काठमाडौं । राष्ट्रपति रामचन्द्र पौडेलले नयाँ वर्ष २०८० को अवसरमा शुभकामना व्यक्त गर्नुभएको छ ।
उहाँले देश विदेशमा रहनु भएका सबै नेपालीको स्वस्थ जीवन र अनुहारमा खुसीयाली रहोस् भन्ने कामना गर्नुभएको हो ।
शुभकामना सन्देशमा राष्ट्रपति पौडेलले पारदर्शिता, जवाफदेहिता र सुशासन लोकतन्त्रका आधार स्तम्भ भएको बताउनुभयो ।
यसको सही कार्यान्वयनबाट नै लोकतन्त्रप्रति जनताको भरोसा जागृत हुने विश्वास पौडेलको छ ।
आफ्नो सन्देशमा राष्ट्रपतिले श्रमको सम्मान गर्ने संस्कृतिको विकास गर्नुपर्ने कुरा पनि उल्लेख गर्नुभयो ।
