हरिनगर । सुनसरीको दक्षिणी भेगमा अवस्थित हरिनगर गाउँपालिकामा अध्यक्ष उपाध्यक्ष कप छात्रा ब्याडमिटन प्रतियोगिता शुरु भएको छ । जाकात फाउडेसन,हरिनगर ६को आयोजना र हरिनगर गाउँपालिकाको आर्थिक सहयोगमा सो छात्रा ब्याडमिटन प्रतियोगिता संचालन भएको हो ।
संचालन भएको पालिका स्तरीय छात्रा ब्याडमिटन प्रतियोगितामा पालिका भित्र रहेका ८ वटा विद्यालयका छात्राहरुले भाग लिएका छन् । प्राप्त जानकारी अनुसार हरिनगर मा.वि. हरिनगर , श्री मा.बि. बसन्तपुर हरिनगर ५ , श्री बालकृष्ण मा.वि. हरिनगर १ , होली लाइफ स्कुल , विद्यापती एकेडमी , एभरेष्ट पब्लिक ,नेशनल आइडियल स्कुलका छात्राहरु सहभागि रहेका छन् ।
आज सो प्रतियोगिताको उद्घाटन गर्नु हुदै प्रमुख अतिथि हरिनगर गाउँपालिकाका अध्यक्ष हाजी गफार अन्सारीले खेलकुद स्वास्थ्यका लागि अपरिहार्य रहेकाले छात्राहरुको यस प्रकारको प्रतियोगिताले उनीहरुमा पनि खेलकुद प्रतिको उत्साह र जाँगर बढ्ने बताउनु भयो । यसै गरि अतिथिका रुपमा सहभागि पालिका उपाध्यक्ष रिमझिम कुमारी भगतले खेलकुद विकासका लागि पालिका अग्रसर रहेको र खेलकुदमा छात्राहरुको रुचिलाई प्रोत्साहन गर्ने उद्देश्यले प्रतियोगिताको आयोजना गरेको बताउनु भयो । सो अवसरमा श्री बाल कृष्ण मा.वि.का प्रध्यानाध्यापक नजाम अन्सारी , हरिनगर मा.वि. का प्र.अ. बलराम मण्डल, शिक्षा तथा खेलकुद शाखाका प्रतिनिधि अजित कुमार मल्लिक , इलाका प्रहरी कार्यालय हरिनगरका इन्चार्ज विकास खत्री , प्रमुख प्रशासकीय अधिकृत तुलाराज थापा मगर , स्वास्थ्य शाखा प्रमुख प्रकाश थापामगर लगायतका महानुभावहरुको उपस्थिति रहेको थियो ।
