ताविल अन्सारी
हरिनगर ।हरिनगर गाउँपालिका सुनसरीको पशु शाखाको नवनिर्मित प्रयोगशाला तथा कार्यालय भवनको उदघाटन भएको छ । सुनसरी क्षेत्र नं. ४ ख का प्रदेश साँसद तथा कार्यवाहक सभामुख हाजी इसराइल मन्सुरी तथा पालिका अध्यक्ष हाजी गफार अन्सारी मियाँले संयुक्त रुपमा उदघाटन गर्नु भएको हो । सो भवन साढे ९ लाखमा निर्माण भएको पालिकाका प्रमुख प्रशासकीय अधिकृत तुलाराज थापा मगरले जानकारी दिनु भएको थियो । कृषि तथा पशु शाखाको कार्यालय जीर्ण भई सकेकाले मानवीय हिसाबले बस्न जोखिमपूर्ण रहेकाले तत्काल काम चलाउकै लागि भए पनि माथिबाट कर्कटपाता हालेर दुई कोठाको भवन निर्माण गरिएको र कृषि कार्यालयका लागि प्रदेश सरकार सँग पहल गरेर कृषि भवन पनि बनाउने योजना रहेको पालिका अध्यक्ष हाजी गफार अन्सारी मियाँले बताउनु भएको छ ।
