दावाह एण्ड इस्लाह सेन्टर ,नेपालले अन्तिम पैगम्बर हजरत मुहमममद स( को जीवनीमा आयोजना सिरतुन्नबी क्विच प्रतियोगिता २०८० मा विजेता विद्यार्थीहरुलाई पुरस्कार वितरण गरेको छ ।
सुनसरीका १३ वटा मदरसाका विद्याथीहरु सहभागितामा ४२३ जना विद्यार्थीहरु मध्ये ३९ जना विजेताहरुलाई पुरस्कार वितरण गरिएको हो । बिजेता बाहेक सबै सहभागि विद्यार्थीहरुलाई पनि किताब ,कापी र कलम प्रदान गरिएको सो संस्थाले जानकारी गराएको थियो ।
दावाह एण्ड इस्लाह सेन्टर नेपालका अध्यक्ष मौलाना शहाबुद्दिन मदनीको अध्यक्षतामा सम्पन्न पुरस्कार वितरण कार्यक्रममा प्रमुख अतिथि कोशी प्रदेश ४ ख का प्रदेश साँसद हाजी इसराइल मन्सुरी , विशिष्ट अतिथि हरिनगर गाउँपालिकाका अध्यक्ष हाजी गफार अन्सारी , कुरआन रिसर्च फाउन्डेशनका अध्यक्ष मौलाना अलाउद्दिन फलाहि , जामियतुल इस्लाह अलइस्लामिया भुटाहाका पूर्व सचिव मौलाना ताहिर अन्सारी , वर्तमान सचिव मौलाना इल्यास फलाही , मास्टर सत्तार अन्सारी , प्रतियोगितामा सहभागी मदरसाहरुका प्रतिनिधिहरु लगायतको सहभागिता रहेको थियो ।
