सुनसरी । जिल्ला प्रहरी कार्यालय सुनसरी र हरिनगर गाउँपालिकाको सहयोगमा “एक विद्यालय, एक कार्यक्रम” अन्तर्गत औषध दुव्र्व्यसन विरुद्ध सचेतनामूलक र सुरक्षित सडक प्रयोगका लागि ट्राफिक चेतना कार्यक्रम सम्पन्न भएको छ।
हरिनगर गाउँपालिका वडा नं ४ स्थित मदरसा रिजविया जैशिया मस्दुल धार्मिक विद्यालयमा कार्यक्रमको उद्घाटन गर्दै हरिनगर गाउँपालिकाका अध्यक्ष गफार अन्सारीले यस प्रकारका कार्यक्रमहरूले युवापुस्तामा जागरूकता फैलाउन महत्वपूर्ण भूमिका खेल्ने भएकाले “शान्तिपूर्ण एवं सुरक्षित समाजका लागि यो कार्यक्रम अत्यावश्यक छ।” बताउनु भयो ।
प्रमुख प्रशिक्षक प्रहरी निरीक्षक सविना लिम्बुले लागु औषधको दुव्र्यसन का नकारात्मक प्रभावहरूका बारेमा जानकारी दिइन्। उनले विद्यार्थीहरूलाई औषधिको प्रयोगबाट हुने स्वास्थ्य समस्याहरू र सामाजिक असमानताको बारेमा सचेत गराउँदै भने, “तपाईंहरू भविष्यका नेतृत्वकर्ता हुनुहुन्छ, त्यसैले स्वस्थ र जिम्मेवार जीवनयापन गर्न आवश्यक छ।”
ईलाका प्रहरी कार्यालयका नायक निरीक्षक शिब कुमार शर्माले सुरक्षित सडक प्रयोगका लागि ट्राफिक चेतना प्रशिक्षण दिएको जानकारी दिनु भयो।
कार्यक्रममा २०० भन्दा बढी विद्यार्थीहरूको उपस्थिति रहेको थियो, जसले गतिविधिमा सक्रिय भाग लिए। विद्यालयका प्रधानाध्यापक अजाद मियाले भने, “यो कार्यक्रमले हाम्रो विद्यार्थीहरूमा जागरूकता र जिम्मेवारीको भावना जगाउनेछ” भनेर आशा व्यक्त गरे।
