विराटनगरका बरिष्ठ समाजसेवी दिनबन्धु गोयल र उनको परिवारले १ करोड भन्दा बढि रुपैयाँ खर्चेर निर्माण गरेको १४ वटा घर आइतबार बिपन्न वर्ग तथा समूदायलाई हस्तान्तरण गरिएको छ ।
बरिष्ठ समाजसेवी दिनबन्धु गोयल, उनका दाजु महाविरप्रसाद गोयल, भाई राजकुमार गोयल सहित परिवारका सदस्यहरुले भव्य समारोहका बिच बिपन्न बर्ग तथा समूदायलाई निर्माण गरिएको १४ वटै घर हस्तान्तरण गरिएको हो ।
झापा उद्योग वाणिज्य संघका पूर्वअध्यक्ष एवं समाजसेवी स्व. ओमप्रकाश गोयलको स्मृतिमा उनका दाजु महाविरप्रसाद गोयल, दिनबन्धु गोयल, भाई राजकुमार गोयल सहित परिवारका सदस्यहरुले १ करोड भन्दा बढि रुपैयाँ खर्चेर भद्रपुर नगरपालिकाको वडा नं. ६ मा १४ घर निर्माण गरेर माझी र राजवंशी परिवारलाई हस्तान्तरण गरेका हुन् ।
कार्यक्रममा भद्रपुर नगरपालिकाका मेयर गणेश पोखरेल, उपमेयर राधा कार्की, निवर्तमान मेयर जीवनकुमार श्रेष्ठ सहित विशिष्ट व्यक्तिहरुको कार्यक्रममा सहभागिता रहेको थियो ।
